Трудот „МК Дипломатија: помеѓу професионализмот и политиката“ е објавен во 2013 година, во 43-от број на публикацијата „Политичка мисла“ посветено на „надворешната политика и аспекти од меѓународната дипломатија“.

Целиот текст на трудот [10 страни] е достапен на овој линк: МК дипломатија

Автори на трудот се: Марија Мирчевска и Лазар Поп Иванов.

Трудот се фокусира на дебатата за методологијата на избор и регрутација на дипломатски претставници од рангот на амбасадори, каде е видлив судир помеѓу два концепта, и тоа: политичко наспроти професионално назначување. Трудот опфаќа преглед на развојот на критериумите за избор на амбасадори во македонските дипломатски претставништва.Се занимава и со утврдување на разликите во подготвеноста на амбасадорите да ги извршуваат дипломатските цели во зависност од нивниот принцип на регруатација. Трудот ја проучува меѓународната практика за назначување амбасадори и презентира различни ставови на стручната и политичката јавност во врска со законските промени во соодносот на политичка, односно професионална застапеност во процесот на назначување амбасадори. Целта на трудот е да покаже дека постапката што ја поминуваат дипломатите од кариера, со цел за стекнување на звањето амбасадор, ги зголемува шансите за професионално исполнување на целите на дипломатијата во надворешните односи.

Трудот е актуелен и денеска, бидејќи законската регулативa со која се регулира односот меѓу професионално и политички назначените дипломати е сеуште непромената.

Доколку сакате да прочитате повеќе трудови од публикацијата „Политичка мисла“ посветено на меѓународните односи линкот можете да го најдете тука