„Како умираат демократиите“ е книга која нуди историска синтеза на ерозија на демократските вредности во повеќе држави. Преку историски примери авторите креираат одредени индикатори кои може да се искористат како црвени знамиња за појава на авторитарно однесување на политички актери. Книгата најмногу се фокусира на овие индикатори во политичкиот систем на САД, на непишаните норми во американската демократија, како и на „рецепти“ за како да се борат граѓаните против авторитарните тенденции во системот. За нас на Балканот, многу од „црвените знамиња“ за авторитарно однесување кои книгата ги спомнува ни се добро познати, вклучувајќи ги: негирањето на легитимитетот на политичките противници, толеранција или охрабрување на насилство или пак подготвеноста да се заобиколат човековите слободи на противниците. Генерално, книгата е лесно и мошне информативно четиво.

Омилен цитат од книгата: ‘No single political leader can end a democracy; no single leader can rescue one, either. Democracy is a shared enterprise. Its fate depends on all of us.’

Наслов на книгата: How democracies die: what history reveals about our future

Автори на книгата: Steven Levitsky and Daniel Ziblatt