Книгата Autocracy, Inc., напишана од добитничката на Пулицеровата награда Ен Еплбаум, нуди нов поглед кон авторитарните режими на денешницата: нивните тактики за поткопување на меѓународниот поредок (што и да е останато од него), начините на кои се справуваат со опозициските/алтернативните движења во нивните општества, и – централно за книгата – начинот на кој тие го гледаат светот и се поддржуваат меѓусебно.

Книгата се чита во еден здив. Еплбаум дава конкретни примери за тоа како авторитарните режими ги користат современите технологии, финансиските мрежи и глобалниот неред, како и начините на нивна меѓусебна соработка: политичка, финансиска, воена, со цел да ги охрабрат и одржат кликите на власт.

Тоа што можеби најмногу ми недостасуваше во книгата е подлабока анализа на авторитарните тенденции во етаблираните демократии, како и губењето на довербата на граѓаните во демократските институции во некои од тие земји, и кои се ефектите од тој тренд.

На крајот на книгата, авторката заклучува дека либералниот меѓународен поредок веќе не постои, а аспирацијата да изградиме нов веќе не изгледа реално. Но постојат либерални општества, со историски и тековни маани, кои овозможуваат подобри услови за луѓето да живеат исполнети животи, отколку што тоа го прават затворените авторитарни режими.

Наша оцена на книгата:

Омилен параграф: ‘A few autocracies still portray themselves to their citizens as model states. The North Koreans, famously, hold vast military parades with elaborate gymnastics displays and huge portraits of their leader, very much in the Stalinist style. But many of the propagandist in Autocracy, Inc., have learned from the mistakes of the twentieth century. They don’t offer their fellow citizens a utopia, and they don’t inspire them to build a better world. Instead, they teach people to be cynical and passive, because there is no better world to build. Their goal is to persuade people to mind their business, stay out of politics, and never hope for a democratic alternative: Our state may be corrupt, but everyone else is corrupt too. You may not like our leader, but the others are worse. You may not like our society, but at least we are strong and the democratic world is weak, degenerate, divided, dying.’

Омилен цитат: Sometimes the point isn’t to make people believe a lie; it’s to make people fear the liar.